選票力量，泛民初選開始，黃碧雲嗱嗱臨扮手足

港平

2020新一届的立法會選舉臨近，一眾立法會內的黃色政棍都知道夠鐘「開工」。一向都只會做下冷氣軍師，叫人抗爭自己又唔多見影，連黃絲自己友都唔想佢再選嘅黃碧雲，居然會喺港版國安法出爐後，喺Facebook上載一張自己戴眼罩口罩嘅相片，然後叫人「力抗暴政 緊抱自由」。黃碧雲在民主黨初選中在自己人內部挨咗不少反對票，在Facebook上營業搵下存在感，扮都要扮到自己是同路人，如果唔系初選就比人淘汰，咁就真系幾尷尬。新的大頭貼照中的黃小姐忽然勇武上身，黃外套、黃口罩，眼罩、胸前掛十字架、手上拿一束白菊花。傻更更的破綻是全副道具新新淨淨，沒有半點「手足」身上的戰痕，而且眼神不是無懼無悔，儍更更地擺出「我見猶憐」的溫宛和冷漠。前特首在fb都串到，如果舉辦全球「儍更更的季節」的「儍更更政治人物選舉」，我提名黃碧雲小姐代表香港出選，必勝無疑。呢個真係「選票的力量」添，講到尾，臨到立會選舉都會見到呢班黃政棍多多動作博上鏡，十足十上演「政棍現形記」，總之鬥慘鬥惡鬥大聲乜招都出齊，其實都係求自己選票可以袋袋平安啫。